Тидын нерген Юрий Зайцев туныктышо-влакын августысо конференцийыштышт увертарен. Тудын палемдымыже дене, «Образований» нацпроектлан республикысе финансирований, кундемысе бюджет гыч 28 %. 2023 ий дене таҥастарымаште роскот 10 % шукемын. Школ-влакым капитально тӧрлымӧ программе дене Марий Элыште 19 тунемме верым уэмденыт.

Тений идалык тӱҥалтыште республикыште самырык специалист-влаклан выплатым палемдыме. Ялышке пашам ышташ толшо самырык туныктышылан ‒ 300 тӱжем теҥгем, олашке але поселкышко толшылан ‒ 100 тӱжем теҥгем пуат.

Регионысо профессионал шинчымашат вияҥеш. «Профессионалитет» федерал программышке ушнымеке, техникум да колледж-влакым у оборудований дене пойдарат. Марий Элын вуйлатышыже ойыртемалтше педагог-влаклан чап кагазым кучыктен.

 (Фотом Марий Элысе Виктерын сайтше гыч налме)