Юрий Зайцев Россий Герой Дамир Юсупов дене вашлийын
2019 ийыште «Уральские авиалинии» компанийын экипажын командирже Дамир Юсупов Москва воктене самолетым кукуруз пасушко волтен шынден. Самолет южышто колшыре тӱшка дене тӱкнен, тудын двигательже пашам ыштымым чарнен. Тудын подвигше 233 еҥын илышыжым арален коден. Россий Президентын Указше дене тудлан Россий Герой званийым пуэныт. Вашлиймаш «Знание. Государство» трек жапыште лийын. Тудо тыгак «Герои среди нас: патриотизм через призму личных историй» лекцийым Марий кугыжаныш университетыште эртарен. «Знание» Российысе обществын регионысо отделенийжын наблюдательный советшым кодшо ий августышто ыштеныт. Тудым Юрий Зайцев вуйлата.
(Фотом Марий Элысе Виктерын сайтше гыч налме)
