3 июль гыч чыла гаяк районышто тыгай вашлиймаш лийын. Нуным Марий Эл Кугыжаныш Погынын депутатше-влак эртараш темленыт, регион вуйлатыше Юрий Зайцев тиде инициативым сайлан шотлен. Кеҥежым ача-ава, профильный специалист, депутат-влакын корпусышт, мер ушемын еҥышт, проектын координаторышт вашлиймашым эртареныт. Стретегический сессий йӧн дене Марий Элын ешыже-влак дене кылдалтше йодышым каҥашеныт: йоча-влакын лӱдыкшыдымылыкышт, таза еш ‒ таза республике, ешын экономикыже, ешлан социал инфрстуктуро.
Районлаште пурышо темлымашым иктыш чумырен, Марий Элын Вуйлатышыже Юрий Зайцевлан темленыт. Проект дене чыла муниципалитетыште 21 мероприятий лийын, ача-ава-влак дечын 400 утла темлымаш пурен.
Вес ий гыч республикыште шочшо кажне икышывылан пӧлекым кучыкташ тӱҥалыт, кажне муниципалитетыште «Еш клуб-влак» лийыт, «Тимуровцы наших дней» отряд-влакым чумыраш шонат, нуно СВО участникше-влакын ешыштлан полшаш тӱҥалыт.
(Фотом Марий Элысе Виктерын сайтше гыч налме)
Комментариев: 0