Т.Евсеев лӱмеш тоштерыште «Первозданная Россия» выставке почылтын
Тиде кугу проект 2014 ий гыч илышыш пура. Тудын жапыште пӱртӱсым возышо фотосӱретче-влак элын сылнылыкшым ончыктат. Тиде гана Т.Евсеев лӱмеш тоштерыште Россий кӱкшытан 11 фестивальыште ончыктымо паша-влакым конденыт. Тиде, тӱҥ шотышто ‒ пӱртӱс. Выставкым почмашке Федераций Советын председательын алмаштышыже Константин Косачев толын. Тудо ‒ ты фестивальын оргкомитетын председательже. Выставке тоштерын тӱҥ корпусыштыжо пашам ышта.
(Фотом Марий Элысе Тӱвыра министерствын сайтше гыч налме)
