В.Ленин лӱмеш площадьыште шинчымаш кечылан пӧлеклалтше пайрем лийын. Студент да педагог-влакым Марий Элын Вуйлатышыже Юрий Зайцев саламлен. Икымше курсышко толшо-влаклан шке ойыштыжо регион вуйлатыше ешарен, нуно Юл кундемысе федерал округын ик эн вудышӧ технологический вузыштыжо тунемаш тӱҥалыт. Тудын мутшо дене, университетым ятыр кугыжаныш да мер пашаеҥ, кугу промышленный да чоҥышо предприятий-влакын вуйлатышышт пытареныт. Юлтех регионышто веле огыл, Российыште йодмашан специальность дене студент-влакым туныкта. Шке 92 ий историйыштыже 100 тӱжем утла выпускникым туныктен луктын.
Марий кугыжаныш университетыштат шинчымаш кечым эртареныт. Икымше курсыш толшо-влак Ленинский проспект дене таҥошкылмаш дене эртеныт. Тений республикын опорный вузышкыжо икымше курсыш 50 утла регион гыч 1500 утла студент тунемаш толын.
(Фотом Марий Элысе Виктерын сайтше гыч налме)
Комментариев: 0