Андрей Эшпай лӱмеш опер фестиваль тений Йошкар-Олаште октябрь тӱҥалтышыште ятыр унам чумыра
Тудо мемнан республикыште 2021 ий гыч, тений нылымше гана эртаралтеш. Концерт программышке федеральный театрла гыч солист-влак толыт.
Эрик Сапаев лӱмеш опер да балет театрыште тений вич спектакльым ончыктат. 1 октябрьыште «Екатерина Великая» оперын премьерыже. 3 октябрьыште ‒ «Евгений Онегин», сценышке «Геликон-Опера» театр гыч солит Петр Соколов, Михайловский театр гыч солист Валентина Феденёва да Мариинский театрын солистше Борис Степанов лекшаш улыт.
5 октябрьыште ‒ «Травиата» опере, туштат тӱҥ партийым Большой театр гыч Илья Селиванов мура. 8 октябрьыште ‒ «Кармен». 10 октябрьыште ‒ «Паяцы».
Андрей Эшпай лӱмеш икымше фестиваль 2021 ийыште лийын, тунам Эллина Архипован «Кӱдыратле Чумбылат» опере-мистерийын премьерыже эртен.
