Кодшо арняште республикыште 1500 утла еҥлан «пӱсӧ распиратор чер» диагнозым шынденыт. Черланыше-влакын чотышт 16,5% шукемын. Роспотребнадзорын регионысо виктемын пресс-службыштыжо увертарат, ОРВИ дене черланыше-влак гыч пелыжын ‒ COVID-19, 7% наре еҥын ‒ риновирус, 4% утларакын ‒ парагрипп. Эртыше шым кечылаште 101 еҥ коронавирус дене черланен. 2 сентябрьыште Марий Элыште грипп дечын вакцинын кокымшо партийжым конденыт: тиде 26 тӱжем утла дозо кугыеҥ-влаклан да 66 тӱжем утла дозо йоча-влаклан келыштарыме вакцине.
Комментариев: 0