Яллашке, селаш пашам ышташ куснышо пашаеҥ-влаклан ик гана 1 миллион тенгем пуаш тӱҥалыт

Тидын шотышто Постановленийышке кидпалыжым Марий Элын Вуйлатышыже Юрий Зайцев пыштен. Россий Президент Владимир Путин регионлаште «Земский доктор» программе семын «Земский работник культуры» программым илшыш пурташ темлен. 

Марий Элыште 30% калык яллаште ила, садланак Элын вуйлатышын темлымашыже кӱлеш. Регион вуйлатыше социал лаштыкыштыже возен, яллаште корным тӧрлат да чоҥат, тунемме вер-влакым, библиотеке-влакым, тӱвыра пӧрт-влакым уэмдат, кинозалым почыт, кумдыкым тӱзатат. «Земский работник культуры» программе яллашке самырык специалист-влакым кумылаҥдышаш.