Курыкмарий драме театр Чуваш республикыште эртыше «Чикес» фестиваль гыч кок диплом дене пӧртылын

Чуваш Республикыште РСФСР-ын калык артистше Вера Кузьмина лӱмеш национальный театр-влакын "Чикес" ("Ласточка") фестивальым иктешленыт. Мемнан республикынан Курыкмарий драме театрже тушто «Цеверӹн, ӒвасИр» спектакльым ончыктен. Тиде постановкым Россий сымыктышын сулло деятельже, режиссёр Борис Манджиев шынден. Тиде драмылан жюри сай акым пуэн. Чувашийысе фестиваль гыч Курыкмарий театр кок дипломым конден. «Эн сай режиссёр» номинацийыште сеҥыше лийын. Тыгак спектакльыште модшо ӱдырамаш артист-влакым посна диплом дене палемденыт. «Цеверӹн, Ӓвасир» постановкым Российысе 5-ше фестивальыште ончыктеныт.