Тений кеҥежым Марий Элыште Кузнецово-Русский Кукмор-Сурты автомашина корным тӧрлат.
«Инфраструктура для жизни» нацпроект дене тушто 8 километрым ыштат. Подрядчик тошто асфальтым фрезерований йӧн дене кораҥда, тыгак у асфальтобетоным шара. Тидын дене пырля вӱд йогымо пучым ышта, корно тӱрым пеҥгыдемда, у разметкым келыштарат. Пашалан 141 миллион теҥге ойыралтеш.