Республикысе ялозанлык министрын постыштыжо Павел Раевский пашам ышташ тӱҥалеш

Тидын шотышто Указыш кидпалыжым регион вуйлатыше Юрий Зайцев пыштен. Павел Раевский фермер ешыште шочын, Чувашийысе кугыжаныш ялозанлык академийым «Агрономия» специальность дене тунем пытарен. Ты марте Марий Элыште ялозанлык коопераций сферыште рӱдерым вуйлатен. Ушештарена, ты марте министр сомылым шуктышо Андрей Кондратенко шке кумылын отставкыш каен.