Идалык мучаш марте «Аванаград» сарзе-патриот рӱдерын кокымшо корпусшым капитально тӧрлен шуктат

Идалык мучаш марте «Аванаград» сарзе-патриот рӱдерын кокымшо корпусшым капитально тӧрлен шуктат.
Тушто лекцийлан зал, сарзе-спорт ямдылалтмашлан кабинет, республикын районлаж гыч толшо курсант-влаклан илаш блок-влак лийыт. Реконструкцийым эртараш «Регион для молодых» федерал конкурсышто сеҥыме полшен.
Марий Эл кумшо ий самырык-влакын политикыштым вияҥдыме шотышто ончылно. Тиде социал объект-влакым тӧрлаш да кугу мероприятийым эртараш полша. Кодшо ийын Самырык-влакын полатыштым капитально тӧрленыт, тушто коворкинг, усталык да концерт студий, спортзал да лекцийым эртараш класс-влакым ыштеныт.