2026 ийыште Йошкар-Оласе Перинатал рӱдерыште шочшо икымше йоча

Константин. Тиде лӱмым латин йылме гыч кусараш гын, «пеҥгыде» манмым ончыкта. Лач тыгай пеҥгыде рвезе 2026-шо ийыште 1 январьыште ик эн ончыч Йошкар-Оласе перинатал рӱдерыште ош тӱням ужын.  Тудо эрдене 5 шагатат 51 минутлан шочын. Йоча 3 килограммат 560 грамм нелытан да 51 сантиметран. Тудын ача-аваже Звенигово гыч улыт. Жап шот дене тудо у ий деч ончыч шочшаш улмаш. «Мый у ий йудымак ышташ шоненам, сандене 2026-шо ийым вучен шуктен», - воштылеш аваже. Анастасия Звениговыште Россий Почто пӧлкам вуйлата. Табаковмыт ешыште тиде кумшо йоча. Изи Константинын 6 ияш Кристина да 4 ияш Ксения акашт улыт. «Ешыште эше ик йоча шочмо дене пиал ешаралтын гына», - ойлат ынде шуко шочшан ача-ава Михаил ден Анастасия.