Республикысе шанче да туныктыш министерствын палдарымыж почеш шушаш 2021-ше ийыште Марий Эл мучко 575 у ясельный верым ямдылышаш улыт. Ушештарыман, «Демография» национал проект да «Развитие образования» кугыжаныш программе кышкарыште 2019-ше ийыште гын Волжск олаште, Йошкар-Олаште, тыгак Знаменский посёлкышто у йочасад-влакым почмо. Тений Визимъяр да Медведево посёлкылаште йочасад-влакым почыныт. Кызыт гын Йошкар-Олаште иканаште икмыняр микрорайонышто у йочасад-влакым чоҥымо паша каен шога. Тачысе кечылан 4 кугу объектым ямдылат, нуным тений эксплуатацийыш колтышаш улыт. 2021-ше ийыште Медведево район Нурма селаште у йочасадым чоҥаш палемдыме.
Комментариев: 0