Республикысе инфекционный стационарлаште 980 еҥ коронавирус да тудын лийын кертме лӱдыкшӧ дечын эмлалтеш. Ик суткаште 28 еҥым эмлалтмеке, мӧҥгышт колтеныт гын, 84 еҥым стационарлашке пыштеныт. Шочмо эрлан Йошкар-Оласе больницын инфекционный стационарыштыже 214 пациент эмлалтеш. Ончысо семынак шуко черле Йошкар-Ола, Медведево район да Волжскышто. Эмлалтше-влак гыч 972 еҥын пневмоний, 189 еҥ нелын черле, 17 еҥ шодын искусственный вентиляцийыште. Шуматкечын республикыште 53 еҥын, рушарнян 51 еҥын коронавирус пеҥгыдемдалтын. Шочмылан республикыште 52 еҥын тиде инфекций пеҥгыдемдалтын. Санитар врач-влак кевыт, ужалыше рӱдер, моторлык салон, тӱшкан пайдаланыме транспортым тергат. Рейд жапыште ресторан, бар, кафе, столовыйыште санитар правил шуктымым тергат. Пандемийлан кӧра, маскым чийыме правилым, дистанцийым шуктымым тергат.
Комментариев: 0