Республикыште «Кибербезопасность» социал проектлан тӱҥалтышым ыштеныт

Тидыже ты сферыште чот шуко преступлений ышталтмылан кӧра илышыш пурталтеш. Мутлан, кодшо ийын 5000 тыгай преступленийым регистрироватлыме, эҥгек 700 миллион теҥгеш шуын. Тидын дене Марий Элыште МВД-н пресс-службыжо палдара.

Тӱҥ шотышто компьютер информаций дене шолып пайдаланыме шотышто преступлений-влакым рашемдымылан тӱткыш ойыралтеш. Кодшо ийын тыгайже 1200 наре ышталтыныт. Полиций пашаеҥ, МВД пелен Общественный совет, ветеран-влак пырля пашам ыштат. Нуно пашаче коллектив, тунемме верлаш лектын, умылтарат. «Кибербезопасность» проект идалык жапыште шукталташ тӱҥалеш.