Волжскысо 21-ше №-ан «Золотая рыбка» йочасадыште «Лаборатория будущего» рӱдер почылтын.

Лабораторийыште изи шымлызе семын лияш да наукым "кид дене чылт кучен ончаш" лиеш. Тыште гравитаций ден магнит пасум шымлаш макет-влакат, чын пневматический подъёмник ден гидравлический насос, Фарадейын генераторжо, Фукон маятникше да эсогыл кече батарейысе вакш. Икшыве-влаклан йӱд-кече молан вашталт толмо, Мланде Кече йыр могай писылык дене пӧрдмым, Российыште мыняр шагат ӱштӧ да эше шуко оҥай да шинчымашан улмым каласкалат.

Фото: vk.ru/minobr12