11:04, 26-01-2021Марий Элыште самозанятый-влаклан кугыжаныш полышым ойырат

Марий Элыште самозанятый-влаклан кугыжаныш полышым ойырат. «Изирак да кокла предпринимательство тыгак   предприниматель инициативылан полшымаш» нацпроект дене келшышын, тений «Мой бизнес» рӱдер самозанятый-влаклан полша. Тыге, мутлан, профессионал парышлан налогым тӱлышӧ-влак 4,25% марте ставке дене микрозаймым налын кертыт. Индивидуальный предприниматель-влаклан 1 миллион теҥгем, физический лица-влаклан пел миллионым пуэн кертыт. Тидын нерген республикын экномике вияҥмаш шотышто министерство увертара. Ешартыш уверым мойбизнес12.рф сайтыште муын кертыда.