11:19, 26-01-2021Тиде арняште республикыште илыше-влакым иян да луман игече вуча

Тиде арняште республикыште илыше-влакым иян да луман игече вуча. Лишыл кечылаште леве лиеш, а теве вӱргече да изарнян регионышто лум   лийшаш. Кушкыжмын икмыняр градуслан йӱкшемда, садланак корнылаште ий налеш, автомашинам виктарыше да йолешке-влаклан тӱткырак лийман. Ончылгоч палемдыме почеш 27-28 январьыште республикыште 0 гыч 5 градус марте йӱштӧ лийшаш, ночко лум лийын кертеш. Йӱштӧ республикышке февральын кокымшо пелыштыже  пӧртылын кертеш.