«Саликан пиалже» роман марий калыкын ик эн йӧратыме «Салика» спектакльысе тӱҥ герой-влакын илыш корныштым умбакыже шуя. Тыште Саликан, Эчукын, Чопайын, вакшоза Ози Кузин, ялысе торговой еҥ Полат Акпайын, урядник Сармаевын да икмыняр моло персонажын образышт гоч граждан сар годсо, тыгак Совет властьым да Марий автономийым ыштыме пагытысе марий калыкын илышыж нерген ойлалтеш. Архивласе да интернетысе материал-влакын полшымышт дене тиде роман гоч автор лудшыеҥлан тымарте палыдыме ятыр исторический факт нерген каласкала. Пўрӧ олаште Марий калыкын икымше погынжым эртарымымат, марий тўня мучко «Марий Ушем» организаций-влакым ыштыме пашамат, «Ӱжара» ден «Йошкар кече» газет-влакын шочмыштымат сўретлен ончыктымо.
Комментариев: 0