Ялозанлык пашаеҥ-влак шошо агалан ямдылалтыт, тидын дене пырля вольыкын телым вӱташте илен эртарымыжым иктешлат. Марий кундемыште шӧр луштыш пытартыш жапыште шукемын, южо озанлыклаште совет жап дечын ончысо дечынат шуко шӧрым шупшылыт. Ялозанлык министерствыште шӧр лӱштыш да урлыкан вольыкым шукемдыме шотышто каҥашеныт. Тушто тыгак селекций паша да ушкал-влакын генетике потенциалышт шотышто вӱдышӧ специалист-влак мастарлык классым эртареныт. Тачысе кечын озанлык-влак вольыкым, ушкал-влакым ончымылан кугу тӱткышым ойырат. Паша икмыняр виктыш дене кая: тиде пайдалырак кургым ыштен налаш, вольыкын урлыкшым саемдаш. Тидын годым веле шӧр лӱштыш шукемын кертеш. Республикыште, ик ушкаллан шотлымаште, озанлык-влак 7 тӱжем утла килограмм шӧрым лӱштеныт, ушкал-влакынат чотышт республикыште пытартыш ийлан икымше гана шукемын. Эн кугу шӧр лӱштыш Медведево районысо Семеновский племзаводышто, тушто ик ушкал дечын 9 тӱжем килограмм утларак шӧрым шупшылыт, У Торъял районышто «Первый май» колхозышто 9020 килограмм, Марий Турек районысо «Акпарс» агрофирмыште 9047 килограммым.
Комментариев: 0