Сеҥымаш парад 9 майыште 11 шагатлан тӱҥалеш. Тудым МЭТР телеканал вияш эфирыште ончыкта. Икымше репетиций-влак эртеныт, тыгак 28, 30 апрельыште, 4 да 7 майыште репетиций-влак лийыт. Парадышке 1826 еҥ ушна, тиде 35 парадный расчет. Правительстве заседанийыште палемденыт: чыла участник-влак але прививкым шынденыт, але нунын коронавируслан антителашт уло. Кадет класс-влакын тунемшыштын парад дечын ончычын температурыштым висат. 9 майыште 6.00 шагатлан рӱдӧ площадьыште санитарный обработкым ыштат. Ончышо-влакым парадышке аралтыш средстве дене да металлодетектор гочын пуртат. Регион вуйлатыше ешарен: Сеҥымаш парад чыла санитар правилым да Росптербнадзорын йодмашыжым шуктен эртышаш.
Комментариев: 0