Икымше иктешлыше кугыжаныш экзамен. 11 классым пытарыше-влак ЕГЭ-м возеныт. Тӱҥ этап 31 майыште тӱҥалын да 2 июль йотке шуйна. Тидын нерген туныктыш да шанче министерствыште палдарат. 31 майыште тунемше-влак ойырымо предмет дене: литератур, географий, химий дене экзаменым кученыт. 3, 4 июньышто эн тӱшка экзамен эрта – руш йылме дене. Тудым республикыште 3 тӱжем наре йоча кучаш ямдылалтеш. Выпускник-влак коклаште математике, обществознаний да физике предмет-влак йодмашан улыт. Экзаменым республикысе 24 школышто возат, онлайн-трансляцийым эртарашлан видеокамере-влакым вераҥденыт, тыгак чыла кӱлешан оргтехникым налыныт.
Тений ЕГЭ-м 287 еҥ гыч шогышо комиссий терга.
Комментариев: 0