Йоча лагерьлашке канаш кайыше-влаклан кешбэк программе Россий семынак, Марий Элыштат вийым налын. Тудо 25 майыште тӱҥалын. Россий Президент Владимир Путин Федерал Собранийлан посланийыштыже тидын нерген ойлен. Икшывым лагерьышке кеҥежын кеч-могай тылзыштыжат, 15 сентябрь марте колташ лиеш. Путевкын акше гыч пелыжым пӧртылтат, но 20 тӱжем теҥге дечын шуко огыл. Программышке ушнышо лагерь-влакын радамыштым мирпутешествий.рф порталыште, «Детские лагеря» разделыште муаш лиеш. Путевкым налаш оксам «Мир» плетежный системе полшымо дене тӱлыман. 25 май марте путевкым налше-влакат роскот акым пӧртылтен кертыт, тидым «Госуслуги» портал гоч, 15 июнь дечын вара, ышташ лиеш. Марий Элыште тиде программышке икмыняр лагерь ушнен. «Йоча кэш-бэк» программе нерген йодыш-влакым Россий просвещений министерствышке, але Марий Эл республикын туныктыш да шанче министерствышке йыҥгыртен рашемдаш лиеш.
Комментариев: 0