Похожие новости
Мы рекомендуем Вам зарегистрироваться либо войти на сайт под своим именем.
Марий Эл Самарский область дене вашкылым пенгыдемден. Петербургысо тÿнямбал экономике форумышто Марий Элын вуйлатышыже Александр Евстифеев да Самарский областьын губернаторжо Дмитрий Азаров вашкелшыкыш – рушлаже соглашенийыш – кидпалыштым пыштеныт. Тыге, кок регион коклаште вашкылым тӱрлӧ областьыште – шанче да техникыште, ялозанлык да промышленный производствышто, туныктымаш да усталык пашаште – вияҥдаш тÿҥалыт. Тидын деч посна форумышто Марий Элын вуйлатышыже МГИМО ден Москосо кугыжаныш юридический академийын ректоржо-влак дене вашлийын, ончыкылыклан паша планым радамлен. Петербургысо тӱнямбал форум ятыр элла гыч делегаций-влакым ушен, регионла, федерал кучем органла гыч, чылаже 5 тӱжем утла еҥым иктеш чумырен. Тушто санитар правилым чот эскереныт, участник-влак ковидлан тестым икмыняр гана сдатленыт. Форумышто экономике, промышленность, инвестиций, туризм, озанлык, калыкын илышыжым саемдыме йодыш-влакым каҥашеныт да икмыняр кöнымö ойым пенгыдемденыт.
Комментариев: 0