22:15, 3-09-2021«Марий Эл ТВ»: 9 сентября в Музее изобразительных искусств отроется выставка Измаила Ефимова

9 сентябрь гыч марий кундемын лӱмло сӱретчыже Измаил Ефимовын произведенийже-влакым аклаш лиеш. Ончер Республикысе сӱрет сымыктыш тоштерыште почылтеш, тушко музейын фондшо гыч лукмо живопись ден графике жанрыште ямдылыме радынаже-влакым вераҥдат. Толшо-влак сӱретчын ийла дене вашталтме стилистикыжым ужын кертыт. Мутлан, кодшо курымын 70-шо ийлаштыже мастар еҥ утларакше кумыкмарий калыкын историйжым, илыш-йӱлажым почын пуэн. Тудо шочмо вер-шӧржым мокта да шке калыкшын чонжым, кумыжым шижын мошта. 21 курым тӱҥалтыште Измаил Варсонофьевич этнофутуризм стильыште тыршаш тӱналын. Сӱретче пашаштыже у шонымашым, у темым, у йӧн-влакым кычалеш. Тыге, ынде ятыр ий Измаил Ефимов тӱрлӧ жанрыште оҥай да шонаш таратыше паша-влакым шочыкта.