20:34, 27-09-2021«Марий Эл ТВ»: В с. Мишкино (Башкортостан) прошёл марийский форум-2021 «Молодёжь и культура»

Шочмо йылмым, калык тӱвырам да йӱлам аралаш, самырык тукымын инициативыжым писемдаш. Лачак тиде амал дене Башкортостан республикысе Мишкан селаште «Марий форум-2021: тӱвыра да самырык тукым» форум эртен. Тиде Марий мер каҥашын шыже сессийын кышкарыштыже ышталтын. Пошкырт кундемыш форумын пашаж дене палдараш историйыште икымше гана «МЭТР» телеканалын съемочный группыжат миен коштын. Вера Горохова да Николай Казаковын ямдылыме видеоматериалыштым ме лишыл кечылаште  эфирыштына ончаш темлена. Таче икымше да тӱшка репортаж дене палдарена.