20:48, 1-10-2021«Марий Эл ТВ»: В Советском районе открыли туристический объект «Абаснур - легенды и быль лесного края»

 

Акпатыр, Чоткар, Чумбылат. Марий кундемнан кажне районжо шке Марий Патрыже дене чаплана. Советский районын геройжо – Кундыш Кугыза. Лишыл жапыште марий патырын лӱмжӧ у турист маршрутышто йоҥгаш тӱҥалеш.  «Этнокультур вияҥмаш» проект дене 150 тӱжем тенгеаш грантым сеҥен налын, этнокомплексым тӱзатеныт.
Советский районысо Кундыш эҥер воктенсе кумдык тӱрлӧ легендылан да оҥай историйлан поян. Тыште шуйнышо корно дене салтак-влак рекрут мурым мурен сарыш каеныт,  а йоген кайыше Кундыш эҥер дене шолым волтеныт. Марий чодыра сар жапыште автомат приклад ышташ кучылталтын. Тысе вӱдлан Кундыш Кугыза вуйын шоген. Таче Кундыш Кугызам Кундыш энерын эн кӱкшака верыштыже шогалтыме кугу кӱ шарныкта. Лачак ты верыште тудым, шкенжын кӱштен кодымыж почеш, тоеныт улмаш. Марий-влакын онышт нерген кумданрак пален налаш, Кундыш кундемын сылынылыкшым ончалаш турист-влакланат оҥай лийшаш.