19:45, 1-11-2021«Марий Эл ТВ»:  О развитии спорта в республике ко дню Марий Эл

Марий Эл таза илыш кучышлан! Регионыштына спорт да кап-культур 20-шо курым тӱҥалтыште веле вийым поген гынат, икымше таҥасымаш гычак марий спортсмен-влак кӱкшӧ лектышым ончыктеныт. Уста еҥ-шамычын лӱмышт СССР мучко йоҥген. Зинаида Воронина, Ирина Рочева, Вячеслав Новиков – нуно тачат  самырык спортсмен-влаклан  сай пример улыт. Марий автономийын 101-ше лӱмгечыже вашеш кундемыштына спорт аланын вияҥмыж нерген черетан материалыште каласкалена.