Республикысе кучем калык сымыктыш да кидмастарлыклан тӱткышым да полышым ойыра. Уста еҥ-влакын пашашт дене палдарыме вер-влакым турист маршрутлашке пуртымо. Тоштер фонд-влак кидмастар-влакын пашашт дене пойдаралтыт. Республикыште 2019 ий гыч «Мари Элын калык кидмастарже» чап лӱмым пуат. Ушештарена, Владимир Путинын пресс-конференцийыштыже «Марийская правда» газетын журналистше Анастасия Петрова Президентлан калык сымыктышлан закон дене келшышын полышым ойыраш йодын. Владимир Путин тиде шонымашым сайлан шотлен.
Комментариев: 0