Тазалык дене эмганен вияҥше, рашрак ойлаш гын начарын ужшо але йӧршеш сокыр еҥ-влакым спортлан шӱмаҥдаш. Тыгай шонымаш дене Марий Элысе «Сокыр-влак спорт федераций» пашам ышта. Ӱмаште нуно «Плавание как инструмент реабилитации слепых» проект дене президент грантым сеҥеныт. Идалык мучко тудым илышыш шыҥдареныт. Тений нунылан адакат пиал шыргыжалын. Январь кыдалне черетан президент грантым сеҥыме нерген увер толын. Тӱҥалме пашам умбакыже шуэн, «Плавание и туризм – лучший для жизни девиз» проектым илышыш шыҥдараш тӱҥалыт. Грантын кугытшо 904 тӱжем теҥге.
Комментариев: 0