Йошкар-Олаште чолга да мастар ӱдырамаш-влакым шушаш 8-ше март пайрем дене саламленыт. У йӱлам илышышке рӱдоласе погынын еҥже-влак шыҥдарат. Ты гана пайремле погынымашке 12 ӱдырамашым ӱжыныт. Нуно шке пашашт дене калыкын илышыжым саемдыме верч тыршат. Нине ӱдырамаш-влак медицине, тӱвыра, социал сфере, туныктыш аланыште тыршат. Мутлан, Наталья Глазунова 30 ий тазалык шотышто эмганен вияҥше йоча-влак дене пашам ышта. Светлана Азикова Йошкар-Олаште икымше сертифицированный педагог-сурдокусарыше. Тудо ятыр ий соҥгыра да начарын колшо-влаклан тӱням умылаш полша. Альбертина Иванова – кумдан палыме поэтесса да редкатор.
Комментариев: 0