19:09, 4-04-2022«Марий Эл ТВ»: Фестиваль «Михаил Мурашко приглашает друзей» подвёл итоги

«Михаил Мурашко йолташыже-влакым ӱжеш» фестиваль мучашлалтын, сеҥыше-влак пале улыт. Тений куштымаш пайрем ойыртемалтше лийын, кок йыргешке дате дене кылдалтын. Ик могырым, тиде лӱмгече фестиваль ыле, 10-шо гана эртен. Вес могырым, конкурс Михаил Мурашкон 80 ияш юбилейжылан пӧлеклалтын. Сандене фестивальын иктешлымашыштыжат шуко пӧлек вучен.