19:07, 5-09-2022«Марий Эл ТВ»: В Марий Эл написали «Диктант Победы»

3 сентябрьыште Россий мучко Сенымаш диктантым возеныт. Тиде акцийыш мемнан кундемнат ушнен. Марий Эл мучко 115 площадке пашам ыштен: диктантым книгагудо, школ, техникум, колледж да моло тунемме верлаште возеныт. Тыгак Росгвардий да УФСИН-ыште ныл площадке лийын. Республикын районлаштыжат тиде кечын площадке-влак пашам ыштеныт. Кумылан-влак диктантым дистанционно возеныт. Тӱҥ площадке Сергей Чавайн лӱмеш калыкле книгагудышто лийын. Тушко журналист, историйым шымлыше, да чыла кумылан-влак ушненыт.