Юрий Зайцев ялозанлык да перерабатыватлыше промышленность аланыште тыршыше-влакым профессионал пайремышт дене саламлен. Регион вуйлатыше палемден, ялозанлык – Марий Элын экономикыжым вияҥдыше ик эн тӱҥ направлений. Тачысе кечын мемнан кундемыште лукмо сатум Российын 70 утла регионыштыжо ужалат – тиде шыл, шӧр, сыр, муно да моло продукций. Пайрем кечын Юрий Зайцев ты виктышыште ятыр ий пашам ыштыше да кӱкшӧ лектышыш шушо специалист-влаклан награде-шамычым кучыктен. Нунын радамыште ушкалым лӱштышӧ, вольыкым ончышо да эскерыше-влак, тӱҥ инженер да молат. Лач иктыже – «Победа» колхозын дояркыже Марина Шабалина. Тиде аланыште ӱдырамаш ынде 20 ий наре пашам ышта.
Комментариев: 0