9-ше февральыште Йошкар-Олаште уста марий композитор Валерий Кульшетовым шарнен, шарнымаш кас эрта. Сценыште тудын возымыжо почеш марий да руш йылмыла дене муро, композиций-влак йоҥгаш тӱҥалыт. Каласен кодыман, Валерий Кульшетов 2022 ий 2 октябрьыште уке лийын. Эше илымыже годымак 70 ияш лӱмгечыжлан пӧлеклалтше концертым февральыште эртараш шонен, но шонымаш шукталтын огыл. Садланак кызыт тиде сомыллан вуйын тудын пелашыже Надежда Кульшетова шога. Артист-влак дене пырля тудо кугу концерт программым ямдыла.
Комментариев: 0