19:30, 26-02-2024Марий Эл ТВ: «Идалыкысе муро-2023» фестиваль лишемеш

Шке йӧратыме мурыжым кажне кумылан еҥ ойырен кертеш. «Идалыкысе муро» верч йӱклымаш кая. Келшыше мурызо да мурылан радион ВКонтакте социал кылысе тӱшкаштыже йӱклаш лиеш. Ты лаштыкыште иканаште 3 йодыштмашым вераҥденыт. Тыге икмыняр мурызо але коллективлан йӱкым пуаш лиеш. Эше ик йӱклымаш «Марий Эл Радион» эфирыштыже кая. Колыштшо-влак келшыше участникын номержым радион смс порталышкыже колтен кертыт. «Идалыкысе муро» фестиваль марте, а тудо 29 февральыште лиеш, эн шуко йÿкым погышо мурызо-влак посна номинацийыште палемдалтыт. Кумшо йÿклымаш онлайн йöн дене, концерт жапыштак эрташ тÿҥалеш.