Марий Эл ТВ: Рвезе-влакым армий илышлан ончылгоч ямдылат
Рвезе-влакым армий илышлан ончылгоч ямдылат. Тений самырык-влакым шуарыше «Авангард» рӱдерыште кок тӱжемат вичшӱдӧ наре рвезым туныкташ палемдыме. Сарзе сынан сбор-влак кажне арнян эртат, нуно вич кече шуйнат. Рӱдерыште рвезе-влак армийысе паша кышкар дене келшышын илат. Нуно нарядыште шогат, сар курал дене пашам ышташ тунемыт, строй дене коштыт, а эн тӱҥжӧ - дисциплиныштым пеҥгыдемдат. Ты гана «Авангардыште» сузлаште тунемше 100 утла рвезе чумырген.
