Марий Эл ТВ: Йошкар-Олаште «Оласе средам йӧнаным ыштымаш» федерал проектыш ушнаш лиеш

Йошкар-Олаште «Оласе средам йӧнаным ыштымаш» федерал проект дене еҥ-влак тӱзатышаш кумдыкым шке ойырен кертыт. 14 ияш деч кугурак –влак объект верч йӱклен сеҥат. Йошкар-Олаште 28 объект гыч ойыраш лиеш. Рейтинг йӱклымаш дене ик эн шуко йӱкым погышо объектым 2025 ийыште тӱзатат. Тыгак тиде федерал проект дене Республикыште илыше-влак 15, 16 да 17 мартыште «Марий Эл выбирает комфорт» викторинышке ушнен да шергакан пӧлекым сеҥен налын кертыт. Кундемым тӱзаташ кумдыкым ойырымаште 300 волонтер полша.