Марий Эл ТВ: "Ший талешке" конференцийлан ямдылалтыт
Тӱткыш - марий талешке-влаклан. Республикысе марий тӱвыра рӱдер ынде 11-ше гана «Ший талешке» краеведений шымлымаш конференцийым эртара. Тений тудо 24 апрельыште Калык тӱвыра пӧртыштӧ лиеш. Конференцийын тӱҥ шонымашыже: мемнан коклаште улшо талешке-влак дене палдараш. Конкурслан ямдылыме материалым марий йылме дене возыман (здесь выдать плашку) да 18 апрель марте Марий тÿвыра рÿдерын электрон почтышкыжо колтыман. Конференцийыш шкет але тӱшка паша дене ушнаш лиеш.
