19:27, 16-04-2024Марий Эл ТВ: ВДНХ-ште Медиа-влакын кечышт эртаралтеш

Марий Элысе медиа-влак кугу мероприятийлан ямдылалтыт. Лишыл кечылаште Москошто ВДНХ-ште «Россия» ончерыште Медиа-влакын кечышт лиеш. Тушко Марий Эл гыч районласе газет-влакын тӱҥ редакторышт, тыгак «Марий Эл» увер агентствын командыже, «Марий книга издательстве» савыктыш пӧртын пашаеҥышт каят. Тиде кугу делегацийыш МЭТР телерадиокомпанийыш пурышо МЭТР телеканал, МЭТР FM да Марий Эл Радион журналистышт ушнат. Нуно уна-влаклан кумда программым, тӱрлӧ мастарлык-классым ямдыленыт.