Марий Эл ТВ: Марий кумалтыш нерген

Шошо кумалтыш Кугече дечын вара 6 майыште почылтеш. Марий-влак шке кундемлаштышт шошо, вара кеҥеж, шыже кумалтышлашке лекташ тӱҥалыт. Тӱҥ шотышто шошым вольыкым пурлыклан огыт пу, кинде дене кумалыт, пӱртӱс дечын сай кинде лектышым, озанлык пашам шукташ сай игечым йодыт. Шыже кумалтыш годым таушташ лектыт, тунам чонан дене кумалтышым эртарат. Кажне районышто общине-влакын погынымашышт эртаралтын, онаеҥ-влак кумалтыш радамым ыштеныт.