19:36, 24-04-2024Марий Эл ТВ: Курыкмарий районышто кугу муро пайремлан ямдылалтыт

Курыкмарий районышто кугу муро пайремлан ямдылалтыт. 8-ше июньышто Сухин ял нурышто «Пеледыш айо» эртаралтеш. Тений тудым 13-шо гана палемдат. Молгунамсе семынак организатор-влак вес регионла гыч ансамбль-влакым вучат. Пайремын тӱҥ йӱлажат шукталтеш. «Пеледыш айом» кугу хор сӧрастараш тÿҥалеш. Пел тӱжем еҥ иквереш чумырген, 10 наре мурым марла да рушла йоҥгалтара. Пайремыште профессионал да самодеятельный хор коллектив-шамыч шке усталыкыштым ончыктат. Кызыт ансамбль-влак посна ямдылалтыт, а пайрем кечын чылан пырля муралтат.