19:48, 25-04-2024Марий Эл ТВ: Еш темылан пӧлеклалтше йоча конференций

Еш темылан пӧлеклалтше йоча конференций. Тений тудо 8-ше гана лийын. Волжский районысо Кугу Порат школышко Волжский да Морко районласе школлаште тунемше-влак толыныт. Тыгак туныктышо, священник да Моско гыч уна-влак лийыныт. Чылаже 160 наре еҥ. «Традиционные семейные ценности: потери и приобретение, образ будущего» лӱман конференцийыште кугырак класслаште тунемше йоча-влак гына выступатленыт. Пленарный заседаний деч посна 4 секцийыште мутланеныт. Еш поянлык дене кылдалтше 20 наре доклад йоҥген. Тыгай конференцийым эртарыме нерген йодмаш дене йоча-влак шкешт лектыныт.