Эн сай еш династийым саламленыт. Икымше май вашеш Марий Элысе профсоюз ушем Йошкар-Олаште «Пашан еҥже-влак» республикысе профсоюз конкурсым иктешлен. Марий Эл вуйлатыше Юрий Зайцев «Марий Элын эн сай паша династийже» знакым учредитлен. Тудым династийын эн кугу ийготан еҥжылан кучыктат. Икымше тыгай чап лӱмым «Шойбулакский» племзавод гыч Яндулинмыт еш налын. Нунылан 100 тӱжем теҥгеаш сертификатым кучыктымо. Сеҥыше-влакым ныл номинацийыште саламленыт: «За преемственность поколений», «Стабильность, творчество, качество», «Молодые профессионалы». «За созидание и долголетие в профессии».