Марий Эл ТВ: ВДНХ-ште Пушкинын кечыжым палемденыт
ВДНХ-ште Пушкинын кечыжым кумдан палемденыт. Москвасе «Россия» форум-ончерын Марий Элын стендше деке толшо-влак Александр Сергеевич Пушкин дене вашлийын, фотом ыштен кертыныт. Писательын образыштыже Г. Константинов лÿмеш Академий руш драме театрын артистше Евгений Сорокин лийын. Тылеч посна ты театрын артистше-влак кумда программым ямдыленыт, этикетым шуктымо нерген каласкаленыт: трость дене кузе чын ошкылман, вургемым кузе кудашман да чийыман ончыктеныт. Веер дене пайдаланен, барышне-влак мом шылтеныт - тидын нергенат палдареныт.
