Марий Эл ТВ: Марий калыкын 12-шо погынжо
31 октябрь, 1 да 2 ноябрь историеш кодыт. Лачак тиде кечылаште Йошкар-Олаште Марий калыкын 12-шо погынжо эртаралтеш. Тиде кугу событийлан чылаже 385 делегатым сайлышаш улыт. Ты пашаш эртыше кечылаште Москва, Моско кундем, Санкт-Петурбург, Ленинград кундем да Хант-Мансий автоном округ ушнен. 12-шо марий погынлан ямдылалтме нерген Вера Горохован сюжетыштыже.
