Марий Эл ТВ: Куштышо коллектив-влак - ик сценыште

Марий Эл да пошкудо регионла гыч куштышо коллектив-влак - ик сценыште. Йошкар-Ола ынде кумшо гана уна-влакым вашлийын. 8-9 ноябрьыште Сеҥымашын 30-шо идалыкше лӱмеш тӱвыра полатыште регион-влак кокласе «Тывырдык» фестиваль эрта. Тений тудо марий куштымашлан пӧлеклалтын. 2 ийлан ик гана эртыше вашлиймаш марий куштымашын хореографийжым аралаш, коллектив-влак кокласе кылым пеҥгыдемдаш виктаралтын. Сценыште шке мастарлыкыштым йоча, самырык да калык лӱмым нумалше коллектив-влак ончыктат.