Марий Эл ТВ: Марий Эл гыч кидмастар Байкалыште эртыше фестивальыште участвоватла

Байкал ерыште ий скульптур-влак шочыт. Планетыште эн келге ер таче шке яндарлыкше да сылнылыкше дене гына огыл чапланен. Тушко ий еда уло тӱня гыч скульптор-влак погынат. Кидмастар-влакын ыштыме ий композицийышт-влак кава йымалсе кугу галерейыште ончыкталтыт. «Ольхон айс фест» лӱман фестивальыште Марий Элын самырык кидмастарже участвоватла.