Шке шонымашым илышыш шыҥдараш – окса полыш. Марий Элыште илыше-влакым «Росмолодёжь. Гранты» конкурсыш ушнаш ӱжыт. Кумылан-влак йодмашым  «Молодёжь России» порталыште 17-ше март йотке пуэн кертыт.  Тушто тӱрлӧ шӧрынан проектым темлаш лиеш: тӱвыра ден сымыктыш гыч тӱҥалын науко ден добровольчество марте. Тачысе кече марте Марий Элыште ты конкурс полшымо дене 27 проектым илышыш шыҥдарыме. Организатор-влакын палемдымышт почеш, «Росмолодёжь. Гранты» самырык еҥ-влаклан шкеныштым ончыкташ, нунын инициативыштым илышыш шыҥдараш полша.